पुणे : महाराष्ट्र राज्य स्थापनेच्या ६४ व्या वर्धापन दिन निमित्त बुधवार दि. १ मे २०२४ रोजी प्रशासक तथा महापालिका आयुक्तडॉ. राजेंद्र भोसले, यांच्या हस्ते ध्वजारोहण करण्यात आले.आयुक्त डॉ. राजेंद्र भोसले, यांनी पुणे महानगरपालिकेच्या प्रांगणातील श्री छत्रपती शिवाजी महाराज यांच्या सिंहासनाधिष्टीत पुतळ्यास पुष्प अर्पण केली.
त्यानंतर महात्मा ज्योतिबा फुले यांच्या पूर्णाकृती पुतळ्यास पुष्प अर्पण केली. त्यानंतर भारतरत्न डॉ. बाबासाहेब. आंबेडकर यांच्या पुतळ्यास पुष्प अर्पण करून अभिवादन करण्यात आले.
तसेच सकाळी ७.०५ वाजता राजेंद्र भोसले, यांचे हस्ते ध्वजारोहण व ध्वजवंदन करण्यात आले. यावेळेस राष्ट्रगीत व महाराष्ट्र राज्याचे राज्यगीत म्हणण्यात आले.
या नंतर मतदानाचा टक्का वाढविणेकरिता आयुक्त यांचे समवेत सर्व अधिकारी व कर्मचारी यांनी मतदानाची शपथ घेतली.
या प्रसंगी अतिरिक्त महापालिका आयुक्त (ज) रवींद्र बिनवडे,अतिरिक्त महापालिका आयुक्त (इ) पृथ्वीराज बी.पी. तसेच विविध विभागांचे खातेप्रमुख, अधिकारी, कर्मचारी मोठ्या संख्येने उपस्थित होते.
Post a Comment
0 Comments