ट्रकच्या धडकेत महिलेसह सहा वर्षांच्या चिमुकलीचा मृत्यू...

ट्रकच्या धडकेत महिलेसह सहा वर्षांच्या चिमुकलीचा मृत्यू...

पुणे : कोल्हापूरला जाण्यासाठी खासगी बसची वाट पाहणाऱ्या आजी आणि नातीला आयशर ट्रकने दिलेल्या धडकेत मृत्यू झाल्याची घटना शनिवारी मध्यरात्री भूमकर ब्रिज-नऱ्हे भागात घडली. याप्रकरणी ट्रकचालकाला अटक करण्यात आली आहे.

शितल सिद्धराम पाटील (वय-४२), अबोली सुरज शेटके (वय-६) असे अपघातात मृत्युमुखी पडलेल्या आजी आणि नातीचे नाव आहे.

याबाबत रोहन पाटील ( १९, रा. नऱ्हे) याने सिंहगड पोलीस ठाण्यात फिर्याद दिली आहे. त्यानुसार पांडुरंग सुनील पिनाटे (-२८, रा. तुगाव, ता. भालकी, जि. बेळगाव, कर्नाटक) या ट्रक चालकाला अटक करण्यात आली आहे.

पोलिसांनी दिलेल्या माहितीनुसार, पाटील कुटुंबीय शनिवारी (२७ एप्रिल) रात्री सव्वाअकराच्या सुमारास कोल्हापूरला निघाले होते. बाह्यवळण मार्गावर पाटील कुटुंबीय खासगी प्रवासी बसची वाट पाहत थांबले होते. शीतल पाटील यांनी अबोलीला कडेवर घेतले होते. त्यावेळी भरधाव ट्रकचालकाने शीतल आणि अबोलीला धडक दिली. अपघातात दोघी गंभीर जखमी झाल्या. त्यांना तातडीने रुग्णालयात दाखल करण्यात आले. उपचारांपूर्वीच दोघींचा मृत्यू झाला.