लोणी : लोणी काळभोर पोलीस ठाण्याच्या हद्दीत चोऱ्या करून तब्बल दोन वर्षापासून पोलिसांना चकवा देणाऱ्या अट्टल चोरट्याला गुन्हे शाखा युनिट क्र ६ च्या पोलिसांनी अटक केली आहे. पवन आश्रुबा वाघमारे (वय - २३, रा.
वेताळबाबा हडपसर, पुणे) असे अटक करण्यात आलेल्या चोरट्याचे नाव आहे.
गुन्हे शाखा युनिट क्र ६ चे प्रभारी पोलीस निरीक्षक उल्हास कदम यांनी दिलेल्या माहितीनुसार, गुन्हे शाखेचे पथक लोणी काळभोर पोलीस ठाण्याच्या हद्दीत गस्त घालत असताना, पथकातील पोलीस हवालदार बाळासाहेब सकटे, पोलीस नाईक नितीन मुंढे, शेखर काटे यांना एका खबऱ्यामार्फत माहिती मिळाली की, लोणीकाळभोर पोलीस ठाण्यातील ३ चोरीचे गुन्हे करून २ वर्षापासून फरार असलेला अट्टल गुन्हेगार वेषांतर करून राहत आहे. आणि सध्या तो लोणी काळभोर (ता. हवेली) ग्रामपंचायत हद्दीतील एचपी पेट्रोल पंपासमोर टेकनो मल्टि सर्विसेस या दुकानात बसलेला आहे.
मिळालेल्या माहितीच्या अनुषंगाने पोलिसांनी सदर ठिकाणी सापळा रचून वरील गुन्हेगारास मोठ्या शिताफीने पकडले. आरोपी पवन वाघमारे यांची वैद्यकीय तपासणी करून त्याला पुढील कारवाईसाठी लोणी काळभोर पोलीस ठाण्याच्या ताब्यात देण्यात आले आहे.
Post a Comment
0 Comments